ఆస్ట్రేలియాలో రోహిత్ సేన దూకుడు: బోర్డర్-గవాస్కర్ ట్రోఫీ ప్రాక్టీస్ మొదలు
ఆస్ట్రేలియాలో జరుగుతున్న ప్రతిష్టాత్మక బోర్డర్-గవాస్కర్ ట్రోఫీ 2024 కోసం భారత జట్టు రెండు బృందాలుగా దేశం నుంచి బయలుదేరింది. ఆస్ట్రేలియా సవాళ్లకు సిద్ధమవుతూ, రోహిత్ సేన ప్రాక్టీస్‌లో నిమగ్నమైంది. మంగళవారం నాడు, టీమిండియా ఆటగాళ్లు నెట్స్‌లో చెమటోడ్చారు. మొదటి శిక్షణా శిబిరంలో శుభ్‌మన్‌ గిల్, కేఎల్‌ రాహుల్, రిషబ్‌ పంత్, యశస్వి జైస్వాల్ తదితరులు బ్యాటింగ్ సాధన చేశారు. పంత్ మరియు జైస్వాల్ భారీ షాట్‌లతో అందరినీ ఆకట్టుకున్నారు. జైస్వాల్ కొట్టిన ఒక బంతి స్టేడియం పక్కనే ఉన్న రహదారిపై పడిపోయింది. నెట్స్‌లో ప్రాక్టీస్ చేస్తున్న భారత ఆటగాళ్లు బయటి వారి కళ్లకు కనిపించకుండా, మైదాన సిబ్బంది ఇనుప చువ్వల గోడపై నల్లటి కవర్లు కప్పారు. స్టేడియం సిబ్బంది మరియు ప్రతినిధులు ఫోన్లు ఉపయోగించడాన్ని పరిమితం చేశారు. అయినప్పటికీ, టీమిండియా ప్లేయర్స్ ప్రాక్టీస్‌కు సంబంధించిన వీడియోలు బయటకు వచ్చాయి.
వాకా మైదానంలోని నెట్స్‌లో, రోహిత్ సేన బ్యాటింగ్, బౌలింగ్‌ ప్రాక్టీస్‌లో నిమగ్నమైందని చూడవచ్చు. ఆస్ట్రేలియాతో ఐదు టెస్టుల సిరీస్‌ నవంబర్ 22న ప్రారంభం కానుంది. భారత కాలమానం ప్రకారం, పెర్త్‌లో మొదటి మ్యాచ్ నవంబర్ 22న ఉదయం 7:50కి ప్రారంభమవుతుంది. మొదటి టెస్టుకు ముందు, భారత్-ఏతో టీమిండియా సన్నాహక మ్యాచ్ ఆడాల్సి ఉంది. అయితే, ఈ మ్యాచ్‌ను భారత్ రద్దు చేసుకుంది. ఆ సమయంలో టీమిండియా ప్రాక్టీస్ చేయనుంది. ఆస్ట్రేలియా-ఏతో రెండు మ్యాచ్‌ల కోసం భారత్-ఏ ఆసీస్ వెళ్లిన విషయం తెలిసిందే.