అమెరికాను కుదిపేసిన ఫెంటనిల్‌: చైనా హస్తం?
అమెరికాలో ఫెంటనిల్‌ అనే సింథటిక్‌ డ్రగ్‌ విలయం సృష్టిస్తోంది. కరోనా మహమ్మారిలాగా వందలాది మంది ప్రాణాలను బలిగొంటున్న ఈ విషం, యువత, మధ్య వయస్కులపై అధికంగా ప్రభావం చూపుతోంది. దీని వెనుక చైనా హస్తం ఉందని ఆరోపణలున్నాయి.
సీడీసీ (సెంటర్స్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌) గణాంకాలు ప్రకారం, 2022లో ఫెంటనిల్‌ అధిక మోతాదు వల్ల 1,07,941 మంది మరణించారు. అంటే ప్రతి రోజు 295 మంది ప్రాణాలు కోల్పోతున్నారు. 2023లో ఈ సంఖ్య 1,10,640కి చేరే అవకాశం ఉంది.
ఫెంటనిల్‌ అనేది కేంద్ర నాడీ వ్యవస్థపై పనిచేసే ఒక శక్తివంతమైన నొప్పి నివారిణి. హెరాయిన్‌ కంటే 50 రెట్లు శక్తిమంతమైన ఈ డ్రగ్‌ కేవలం రెండు మిల్లీ గ్రాముల మోతాదు కూడా ప్రాణాంతకమని నిపుణులు హెచ్చరిస్తున్నారు.
ఫెంటనిల్‌ మాదక ద్రవ్యాలతో కలిపి వినియోగించడం పెరుగుతోంది. దీని బానిసలు తప్పుడు చీటీలతో ఔషధ దుకాణాల్లో కొనుగోలు చేస్తున్నారు.
మెక్సికోలోని క్రిమినల్‌ గ్యాంగ్‌లు ఈ డ్రగ్‌ను విస్తృతంగా వాడుతున్నారు. చైనాలో చౌకగా తయారవుతున్న ఈ డ్రగ్‌ను వివిధ మార్గాల్లో అమెరికాకు తరలిస్తున్నారని ఆరోపణలున్నాయి.
అమెరికా అధ్యక్ష ఎన్నికల్లో ‘స్వింగ్‌ స్టేట్స్‌’లో ఫెంటనిల్‌ విషయం ప్రధాన అంశంగా మారింది. 2024 ఎన్నికల్లో గెలుపు కోసం ట్రంప్‌, బైడెన్‌ ఇద్దరూ ఈ డ్రగ్‌ను అడ్డుకోవడానికి చర్యలు తీసుకుంటామని హామీలిచారు.
చైనాతో చర్చల సమయంలో బైడెన్‌ సర్కారు ఫెంటనిల్‌ అక్రమ రవాణాను నివారించేందుకు ఇరు దేశాలు కలిసి సంయుక్త గ్రూప్‌ను ఏర్పాటు చేశాయి. ట్రంప్‌ కూడా చైనాపై కఠిన చర్యలు తీసుకుంటానని హెచ్చరించారు.
ఫెంటనిల్‌ తయారీ నుంచి పంపిణీ వరకు ప్రతి దశలో చైనా పాత్ర ఉందని అమెరికా అధికారులు నమ్ముతున్నారు. షిజియాజువాంగ్‌లోని కంపెనీలు ఫెంటనిల్‌ తయారీకి ముడి సరకును సరఫరా చేస్తున్నాయి.
అమెరికా కస్టమ్స్‌ అండ్‌ బోర్డర్‌ ప్రొటెక్షన్‌ (సీబీపీ) గత రెండేళ్లలో 50,000 పౌన్లకు పైగా ఫెంటనిల్‌ స్వాధీనం చేసుకుంది. ఈ మొత్తం 20 లక్షల మంది అమెరికన్ల ప్రాణాలను తీయగలదని సీబీపీ తాత్కాలిక అధిపతి చెప్పారు.