సబర్మతి నివేదిక: ఒక జాతీయ విషాదం

2002 గోద్రా రైలు దహనకాండను, ఆ తరువాత వచ్చిన అల్లర్లను తెరపైకి తెచ్చిన “ది సబర్మతి రిపోర్ట్” సినిమా ఇటీవల విడుదలైంది. ఈ చిత్రాన్ని ప్రధానమంత్రి నరేంద్ర మోదీ ఇతర నేతలతో కలిసి వీక్షించనున్నారని సమాచారం. బాలీవుడ్ దర్శకుడు ధీరజ్ సర్నా దర్శకత్వం వహించిన ఈ చిత్రంలో విక్రాంత్ మాస్సే, రాశీ ఖన్నా, రిధి డోగ్రా ముఖ్య పాత్రలు పోషించారు. నవంబర్ 15న విడుదలైన ఈ చిత్రం ఇప్పుడు పార్లమెంటులో కూడా ప్రదర్శించబోతోంది.

ఒక నెటిజన్ తన ట్వీట్ లో ఈ సినిమాను అందరూ తప్పక చూడాలని, దర్శకుడు చాలా సున్నితమైన అంశాన్ని చక్కగా తెరపైకి తీసుకువచ్చారని పేర్కొన్నాడు. కొంతమంది ఈ ఘటనను రాజకీయంగా వాడుకున్నారని కూడా ఆయన అభిప్రాయపడ్డాడు. ఈ ట్వీట్ కు స్పందించిన ప్రధాని మోదీ, కల్పిత కథనాలు కొంతకాలం మాత్రమే నిలబడతాయని, నిజాలు చివరికి బయటపడతాయని అన్నారు. ఆయన ఈ సినిమాను ప్రశంసించారు.

గోద్రా రైలు దహనకాండ విషయానికి వస్తే, 2002 ఫిబ్రవరి 27న ఉదయం, సబర్మతి ఎక్స్‌ప్రెస్ గోద్రా రైల్వే స్టేషన్ చేరుకుంది. అయోధ్య సమావేశం నుండి తిరిగి వస్తున్న కరసేవకులు కూడా ఆ రైలులో ప్రయాణిస్తున్నారు. రైలు ఆగిపోయిన సమయంలో దాదాపు 2000 మంది దాడి చేసి, నాలుగు బోగీలను తగులబెట్టారు. 59 మంది ప్రాణాలు కోల్పోగా, 48 మంది తీవ్రంగా గాయపడ్డారు. ఈ ఘటన తర్వాత గుజరాత్ లో అల్లర్లు చెలరేగాయి.