సోరెన్ మరోసారి జార్ఖండ్ ముఖ్యమంత్రిగా
హేమంత్ సోరెన్ నేడు జార్ఖండ్ ముఖ్యమంత్రిగా ప్రమాణ స్వీకారం చేయనున్నారు. రాంచీలోని మొరాబాది మైదానంలో సాయంత్రం నాలుగు గంటలకు ఈ ప్రమాణ స్వీకార కార్యక్రమం నిర్వహించనున్నారు. అనంతరం మంత్రుల ప్రమాణ స్వీకారం జరుగుతుంది. ఇది సోరెన్ నాలుగోసారి ముఖ్యమంత్రి పదవిని చేపట్టడం. ఆయన 2013లో తొలిసారి ముఖ్యమంత్రిగా బాధ్యతలు చేపట్టారు. గత ఏడాది మనీ లాండరింగ్ కేసులో ఈడీ అరెస్ట్ చేయడంతో ఆయన ముఖ్యమంత్రి పదవికి రాజీనామా చేయాల్సి వచ్చింది. తర్వాత బెయిల్‌పై విడుదలై, ఇటీవల జరిగిన అసెంబ్లీ ఎన్నికల్లో జేఎంఎం పార్టీ విజయం సాధించడంతో మళ్ళీ ముఖ్యమంత్రి పదవిని అధిష్టించనున్నారు.