ఇబ్రహీంపట్నం కానిస్టేబుల్ హత్య: కులాంతర వివాహం ప్రతిక్షేపణ

రంగారెడ్డి జిల్లా ఇబ్రహీంపట్నం మండలం రాయపోల్ గ్రామంలో కానిస్టేబుల్ నాగమణి దారుణ హత్యకు గురైంది. ఆమె సొంత తమ్ముడు పరమేశ్ చేతిలోనే ఈ దారుణం జరిగింది. మృతురాలు భర్త శ్రీకాంత్ మాట్లాడుతూ, కులాంతర వివాహం వల్ల పరమేశ్ నాగమణిపై కక్ష కట్టాడని వెల్లడించాడు. పెళ్లయిన తర్వాత పోలీస్ స్టేషన్ దగ్గరే వారిని బెదిరించాడని శ్రీకాంత్ ఆరోపించాడు. ఆదివారం సెలవు కావడంతో ఇద్దరూ ఊరికి వెళ్లారు. నాగమణి కంటే పది నిమిషాల ముందు శ్రీకాంత్ బయలుదేరాడు. ఫోన్లో మాట్లాడుతూ ఉండగానే పరమేశ్ కారుతో నాగమణిని ఢీ కొట్టాడని, తనను చంపడానికి వచ్చాడని ఆమె చెప్పిందని శ్రీకాంత్ వివరించాడు. ఘటనా స్థలానికి చేరుకునేలోపే నాగమణి ప్రాణాలు కోల్పోయింది. పరమేశ్ ప్రస్తుతం పరారీలో ఉన్నాడు. పోలీసులు మూడు బృందాలను ఏర్పాటు చేసి అతడి కోసం గాలిస్తున్నారు. నాగమణి భర్త ఫిర్యాదు మేరకు కేసు నమోదు చేసి దర్యాప్తు చేస్తున్నారు.