రజనీకాంత్‌ సినిమాలో లోకేష్‌ మార్క్‌ ఎలివేషన్లు లేవా!
తెలుగు ప్రేక్షకులకు `ఖైదీ` తర్వాత అందరికీ తెలిసిన పేరు లోకేష్‌ కనగరాజ్‌. ఈ డైరెక్టర్‌ ‘ఎల్ సీయూ’ సిరీస్లో పాన్‌ ఇండియా సినిమాలను తీస్తూ దూసుకుపోతున్నాడు. తన దగ్గర వచ్చే ఐదేళ్లకు తగ్గ ప్రణాళిక ఉందని ఆయన పేర్కొన్నారు. ‘ఎల్ సీయూ’ నుంచి మరిన్ని సినిమాలు వస్తాయని కూడా చెప్పాడు.
కానీ సూపర్‌స్టార్‌ రజనీకాంత్‌తో చేస్తున్న ‘కూలీ’ మాత్రం ‘ఎల్ సీయూ’ సిరీస్లో రావడం లేదు. లోకేష్‌ కనగరాజ్‌ ఇది డిఫరెంట్‌ కథ అని పేర్కొన్నారు. ఈ సినిమాలో రజనీకాంత్‌ గోల్డ్‌ స్మగ్లర్‌ పాత్రలో కనిపిస్తారు. గ్యాంగ్‌స్టర్‌ నేపథ్యంతో కథ ముడిపడి ఉంది. కానీ లోకేష్‌, ‘కూలీ’ మాసాలా కమర్షియల్‌ సినిమా కాదని చెబుతున్నాడు. ఇది లాజికల్‌గా సాగే సెన్సిబుల్‌ కమర్షియల్‌ సినిమా అని పేర్కొన్నారు.
అంటే ఈ సినిమా సూపర్‌స్టార్‌ మాస్‌ ఇమేజ్‌కి, ఎలివేషన్లకు దూరంగా ఉంటుందని అర్థం. లోకేష్‌ తన గత సినిమాలలో లాగానే, ‘కూలీ’ లో కూడా హీరోని మాత్రమే హైలైట్‌ చేస్తాడు. ‘ఖైదీ’, ‘విక్రమ్’, ‘లియో’ వంటి సినిమాలలో హీరోలకు అవసరమైన బిల్డప్‌ సీన్లు ఎక్కడా ఉండవు. ఎలివేషన్లు అసలే ఉండవు. ప్రతి సన్నివేశం ఎంతో లాజికల్‌గా ఉంటుంది. సన్నివేశంలో పాత్ర ఉన్నట్లు ఉంటుంది తప్ప, పాత్రలో సన్నివేశం ఉన్నట్లు ఉండదు. లోకేష్‌ కనగరాజ్‌ ‘కూలీ’ సినిమాను కూడా అదే ఫార్మాట్‌లో తెరకెక్కిస్తున్నాడు.
స్టార్‌ హీరోలను ఒప్పించడం అంటే చిన్న విషయం కాదు. తమ మాస్‌ ఫాలోయింగ్‌, ఫ్యాన్స్‌ క్రేజ్‌, మాస్‌ ఎలివేషన్లు అంటూ హీరోలు హడావుడి చేస్తారు. అందులోనూ రజనీకాంత్‌తో సినిమా అంటే, అలాంటి ఎలివేషన్లు లేకుండా చేయడం అంటే చాలా కష్టం. లోకేష్‌ ‘కూలీ’ లో ఏ రకమైన ప్రయోగం చేస్తున్నారో చూడాలి.