లక్నో సూపర్ జెయింట్స్ కెప్టెన్ ఎవరు?
2022 ఐపీఎల్‌లో అరంగేట్రం చేసిన లక్నో సూపర్ జెయింట్స్, కెప్టెన్‌గా కేఎల్ రాహుల్‌ను మొదటి నుంచి నమ్ముకుంది. కానీ, తాజా మెగా వేలంలో రాహుల్‌ను విడిచిపెట్టింది. దీంతో, కొత్త నాయకుడి ఎంపిక అందరి దృష్టిని ఆకర్షించింది. వేలంలో, లక్నో రూ. 27 కోట్ల భారీ ధర చెల్లించి, ఢిల్లీ క్యాపిటల్స్ మాజీ కెప్టెన్ రిషబ్ పంత్‌ను తమ వైపు తిప్పుకుంది. పంత్ కెప్టెన్ అవుతారని అందరూ ఊహించగానే, వెస్టిండీస్ దిగ్గజం నికోలస్ పూరన్ కూడా పోటీలో ఉన్నాడు.
లక్నో జట్టు యజమాని సంజీవ్ గోయెంకా, రిషబ్ పంత్, నికోలస్ పూరన్లలో ఎవరిని కెప్టెన్‌గా ఎంచుకోవాలనే విషయంపై తన అభిప్రాయాన్ని వెల్లడించారు. 2025 ఐపీఎల్ సీజన్ కెప్టెన్‌ను కొద్ది రోజుల్లో ప్రకటిస్తామని, ఫ్రాంచైజీ తమ నిర్ణయాన్ని డిసెంబర్ మొదటి వారం చివరిలో వెల్లడిస్తుందని ఆకాష్ చోప్రాతో తన యూట్యూబ్ చానెల్‌లో తెలిపారు.
ఐపీఎల్ 2025 కోసం, లక్నో రూ. 21 కోట్లు చెల్లించి నికోలస్ పూరన్‌ను రిటైన్ చేసుకుంది. రిషబ్ పంత్‌ను రూ. 27 కోట్లకు కొనుగోలు చేసిన విషయం తెలిసిందే. కెప్టెన్ ఎంపికపై అభిమానులు ఆందోళన చెందాల్సిన అవసరం లేదని, కొద్ది రోజుల్లో ప్రకటన చేస్తామని గోయెంకా హామీ ఇచ్చారు. రిషబ్ పంత్‌ను ఎందుకు అంత ఖరీదుగా కొన్నారనే ప్రశ్నకు, ఢిల్లీ తరఫున ఆట ఆడే సమయంలో పంత్ ప్రదర్శించిన నైపుణ్యాలు తమ నిర్ణయానికి కారణమని వివరించారు.