టాలీవుడ్ డైరెక్టర్ సందీప్, చాందిని నిశ్చితార్థం!
టాలీవుడ్ డైరెక్టర్ సందీప్ రాజ్కు, నటి చాందిని రావుతో సోమవారం నిశ్చితార్థం జరిగింది. సందీప్ తన ఇన్‌స్టాగ్రామ్ ఖాతాలో నిశ్చితార్థం ఫోటోలు పోస్ట్ చేయడంతో, సోషల్ మీడియాలో నిశ్చితార్థం ఫోటోలు వైరల్గా మారాయి. సందీప్ రాజ్ తన కెరీర్‌ను షార్ట్ ఫిల్మ్‌లతో ప్రారంభించారు. ‘కలర్‌ ఫొటో’ అనే చిత్రం ఆయనకు విజయం అందించింది. సుహాస్ హీరోగా నటించిన ఈ చిత్రం ఉత్తమ తెలుగు చిత్రంగా జాతీయ పురస్కారాన్ని అందుకుంది. ప్రస్తుతం సందీప్, రాజీవ్ కనకాల తనయుడు రోషన్ హీరోగా ‘మోగ్లీ’ చిత్రాన్ని తెరకెక్కిస్తున్నారు.
చాందిని రావు ‘కలర్‌ ఫొటో’ చిత్రంలో నటించి, ‘హెడ్స్ అండ్ టేల్స్’ వెబ్ సిరీస్‌లో కూడా నటించారు. ‘కలర్‌ ఫొటో’ చిత్రీకరణ సమయంలోనే వీరి ప్రేమాయనం మొదలయింది. ఇప్పుడు పెద్దల ఆశీర్వాదంతో కొత్త జీవితం ప్రారంభించబోతున్నారు. డిసెంబర్ 7న తిరుపతిలో వారి వివాహం జరగనుంది.
నెటిజన్లు మరియు చిత్ర పరిశ్రమలోని అందరూ సందీప్ మరియు చాందినికి శుభాకాంక్షలు తెలియజేస్తున్నారు.