విశాఖ ఉక్కు ప్రైవేటీకరణపై పోస్ట్ కార్డ్ ఉద్యమం!

విశాఖ ఉక్కు ప్లాంట్ ప్రైవేటీకరణకు వ్యతిరేకంగా కార్మిక సంఘాల ఉద్యమం 1300 రోజులుగా జరుగుతుంది. ప్రభుత్వం ప్రైవేటీకరణకు పట్టుదలగా ఉన్నా, కార్మిక సంఘాలు పోరాటాన్ని విస్తరిస్తూనే ఉన్నాయి. రాజకీయ పార్టీలు ఈ విషయంలో గందరగోళంగా ఉన్నాయి. ప్రజల్లో పెరుగుతున్న ఆందోళన ఉక్కు పరిరక్షణలో అందరి భాగస్వామ్యాన్ని ప్రశ్నిస్తోంది.

మంత్రిత్వ శాఖ తన నిర్ణయాలతో ప్రజలను మరింత ఆందోళనకు గురిచేస్తోంది. ప్రైవేటీకరణ జరగదని హామీలు ఇస్తూనే, ప్రయివేటీకరణ ప్రక్రియను వేగంగా కొనసాగిస్తోంది. 2000 మందికి టిఆర్ఎస్ అమలు, సీనియర్ ఉద్యోగులను నగర్నార్ ఉక్కు ప్లాంట్ కు బదిలీ, కాంట్రాక్టు ఉద్యోగుల వేతనాలు చెల్లింపులో జాప్యం – ఇవన్నీ కార్మికుల ఆందోళనను మరింత పెంచాయి.

ఈ నేపథ్యంలో ఉత్తరాంధ్ర ప్రజా సంస్థ ప్రధాని దృష్టిని ఆకర్షించేందుకు ఒక ఆకర్షణీయమైన ఉద్యమాన్ని ప్రారంభించింది. ‘రెస్పెక్టెడ్ ప్రైమ్ మినిస్టర్, ప్లీజ్ విత్ డ్రా విశాఖ స్టీల్ ప్లాంట్ ప్రైవేటైజేషన్’ – అనే నినాదంతో ఈ నెల 10న ఆర్కే బీచ్ లో పోస్ట్ కార్డు ఉద్యమాన్ని ప్రారంభించనుంది. 10 లక్షల పోస్ట్ కార్డులు ప్రధానికి పంపడం ద్వారా ప్రజాభీష్టాన్ని బలంగా ప్రతిబింబించాలని సంస్థ భావిస్తోంది. ప్రపంచ చరిత్రలో ఒక సమస్యపై ప్రధానికి ఇంత పెద్ద సంఖ్యలో పోస్ట్ కార్డులు పంపడం ఒక రికార్డుగా నిలిచిపోతుందని సంస్థ అంటుంది. మొదటి విడతగా 2.5 లక్షల పోస్ట్ కార్డులు సిద్ధంగా ఉన్నాయి. ఈ నెల 10న ఒక భారీ ర్యాలీ ద్వారా ఈ పోస్ట్ కార్డులను ప్రధాన పోస్ట్ ఆఫీస్ కి తరలిస్తారు.